Learn Tamil Easily with an Experienced Tamil Teacher & Poet | Grammar, Spoken Tamil, Reading, Writing for All Ages

வாழ்த்தும் மடல்

அன்பும் மதிப்பும் நிறைந்த நிறைவு மதி நீலமேகம் அம்மாவிற்கு,

தமிழ்மொழியின் பெருமையையும், திருக்குறளின் சிறப்பையும் மாணவர்களிடம் கொண்டு சேர்க்கும் தங்களது அரும்பணி மிகவும் பாராட்டுக்குரியது. திருக்குறள் வகுப்புகள், பட்டிமன்றங்கள், தமிழ் சார்ந்த பல்வேறு சொற்பொழிவு நிகழ்வுகள் ஆகியவற்றைச் சிறப்பாக நடத்தி, மாணவர்களின் தமிழ் ஆர்வத்தையும் பேச்சாற்றலையும் வளர்த்து வருகிறீர்கள்.

தங்களது அறிவும், அர்ப்பணிப்பும், இனிய பேச்சும் பல மாணவர்களுக்கு சிறந்த வழிகாட்டியாக அமைந்துள்ளது. தமிழின் தொன்மையையும் சிறப்பையும் அடுத்த தலைமுறைக்கு எடுத்துச் செல்லும் தங்களது பணிக்கு எங்களது மனமார்ந்த பாராட்டுகளும் வாழ்த்துகளும்!

“தமிழை வளர்ப்போம்; தமிழால் உயர்வோம்!”

தங்களது தமிழ்ப்பணி தொடர்ந்து சிறக்கவும், இன்னும் பல மாணவர்களின் வாழ்வில் அறிவொளி ஏற்றவும் இறைவனை வேண்டுகிறோம்.

வணக்கம்...
தமிழால் ஒன்றினைந்தோம்..

தங்கள் கவிதை பாடல்கள் நேரம் திருக்குறளில் தங்களது திறமைகள் அனைத்தும் பாராட்டிற்குரியது...

ஆசிரியர் நிறைமதி அவர்கள் இனிமையாகவும் எளிமையாகவும் மாணவர்கள் மற்றும் ஆசிரியர்களுக்கு வழிகாட்டும் நல்லாசிரியர்.கலை , இலக்கியம் மற்றும் பட்டிமன்றம் கவியரங்கம் போன்ற பல திறன்களை மாணவர்களிடம் கொண்டு சேர்க்கக்கூடியவர்.திருக்குறளை நேரடி மற்றும் இணையவழி ‌மூலமும் மாணவர்களுக்கு கற்பித்து வருகிறார்.பன்முக‌ ஆற்றல் படைத்தவர்.